[Excerpts from "Annales Breves Hiberniae (Short Annals of Ireland)", 
Thaddeus Dowling, University College Cork, 2003]
[rough tranlations by internet java tool at 

Terdielach rex Conatie in Hibernia obiit. AD 1156

1155.2
Roderik Conchurk, rex Conatie, factus est Hibernie monarcha a vindicando 
--------------------------------------------------------------------------------
p.9

injuriam Moricii alias Murdhicii regis Midie, sibi illatam per Dermitium Mc Murchardi, 
Lagenie regem, qui Moricio in remotis agente rapuit illius uxorem. Roderik avidus regnandi 
(postquam proprium fratrem occidisset) petiit Lageniam, expulit Dermitium, totam ejus regalitatem 
in Lagenia sibi assumpsit, fit monarcha; penitentia ductus pro nece fratris dicitur erexisse 
campanilia, alii dicunt quod hoc fecit in signum victorie.

1155.3
Laurentius O Toole, abbas sancti Kevini, consecratur archiepiscopus Dublin a Gelatio 
Armachano, obiit 1180.

1155.4
Henricus 2. conduxit magnam classem ex Hibernia versus Britones.—23

1155.5
Henrici 2. tempore Robertus fitz Stephans cum 30 militibus, 60 armigeris, et 300 sagittariis 
cum Mauritio fitz Gerald applicuerunt apud Bagganbun in comitatu Weixford. AD 1169 

At the creek of Bagganbun 
Ireland is lost and wonne.
(Lost by the Irish and wonne by the Welsh).

1155.6
Robertus et Mauritius fuere germani ex una matre, Vesta filia Risei, avia Risei ap Griffin 
principis Wallie.

1155.7
Mauritius de Prindergast nobilis cum decem militibus et 100 sagittariis ex portu Milford in 
duabus navibus applicuit 2 die Maii.

1155.8
Dermitius de horum adventu intelligens misit spurium suum filium Donvald cum 500 Hibernicis 
ad Robertum fitz Stephan et complices ut venirent Weixfordiam; villa per tres dies insultante, 
Alphonsus episcopus ibi residens villanos persuadebat se suo regi reddere. Dermitius dedit 
Roberto fitz Stephans Weixford cum suis pertinenciis, et Harveio de Monte Marisco 2 
cantredas inter Weixford et Waterford juxta littus maris jacentes in perpetuum.

1155.9
Britones habentes 3000 homines ad bellum, primo Donwaldum principem superioris Ossorie 
vicerunt, et certos dominos illius loci, et Dermitio tradiderunt 300 capita occisorum. Ubi 
Robertus Barry et Milerus multum commendebantur.

1155.10
Roderik Conchur, monarcha (ut superius) cum aliis regulis quamplurimis insurrexit, et obtulit 
pacem sub hiis conditionibus quod Dermot Mc Morogho rex Lagenie de fidelitate jurans 
monarche, haberet et reciperet omnia jura et dominia regalia in Lagenia, quae Roderik 
confiscabat super fuga et demeritis ejus. secundo quod idem Dermot spurium filium suum 
Conthurum Roderico vadiaret pro pace tenenda, cui Rodericus promisit filiam suam in 
maritago dare, si haec fideliter 


--------------------------------------------------------------------------------

p.10

observentur. tertio quod Dermitius restitutus dimitteret Walenses ex tota Hibernia sine 
spe redeundi.

1155.11
Rex de Ardglas fundavit abbatiam de Mellefont, que antiquior reperitur aedificata in 
Hibernia, preter monasterium beate Marie juxta Dublin quae incepta fuit per Danos 948, ut supra.

1155.12
Richardus Strangbo, obtenta licentia a domino rege, premisit Reymundum de la Grosse 
cum 10 militibus et 70 sagittariis, qui applicuit apud Dunevols circa 4 milia a Waterfordia.

1155.13
Richardus Strangbow cum 200 militibus ex Milfordia applicuit apud Waterfordiam vigilia 
Bartholomaei et crastino, scilicet die Martis, insultarunt parietes civitatis, a quo bis repulsi, 
tandem fregerunt parietem sub domo quadam desuper edificata, et inde obtinuerunt 
sanguineam victoriam. Deinde Dermot Laginensis rex et Robertus fitz Stephan accesserunt 
ad Waterfordiam et nupsit Evam filiam eidem comiti Strangbo, cum reversione in successione 
regni sui post ejus mortem. Iste Strangbo dicitur fuisse constabularius Anglie et vicedominus 
Normannie, sed tandem propter ejus prodigalitatem impignoravit dominium suum pro majori
parte, et in manus regis confiscabatur, adeo quod placuit ei fortunam sequi. Powell dicit 
quod iste comes venit in Hiberniam sine licentia regis, ideo terra et dominium suum 
confiscabantur, et quod petiit restitutionem possessionum suarum aut licentiam conquerendi 
in ultra-marinis partibus, sed post conquestum Lagenie oportebat eum dare domino regi, 
Dublin, Weixford, et Waterford.
-----------------------
A. D. 1171.

1171.1
Civitas Dublin fuit capta per Strangbo, et Dermitius rex ejusdem cives crudeliter punivit; eo 
quod patrem suum eorum ad tunc regem, in domo consilii existentem homicidio interfecerunt, 
et cum cane sepeliri fecerunt.

1171.2
Eodem anno, Midia et confines spoliantur per Dermitium igne et gladio, et Roderik monarcha 
decapitari fecit Conthurum filium regis Lagenie, quia pater ejus noluit expellere incursionem Britonum.

1172.0
1172.

1172.1
Clerus apud Armach congregati concludunt conquestum Hibernie non posse refrenari, et cetera.

1172.2
Dublin assalted by Hastulph qui olim presidebat eidem civitati, et nunc venit cum Norwegianis 
sub conductu Johannis Heywod, quos Miles Coggan expulsit. Heywood interfectus et Hastulphus 
captus et decapidatus.


--------------------------------------------------------------------------------

p.11

1172.3
Secundo. Laurentius archiepiscopus Dublin, persuasit Rodericum monarcham et Godthredum regem 
de Man, cum Hibernicis et insularibus ad obsidendam civitatem Dublin. Donaldus filius Dermitii nuper 
regis Lagenie, venit ex Kynsely, ac O Breyn, nec non dominus de superiore Ossoria, obsiderunt 
castrum de Carrig Carughornan juxta Weixfordiam, ubi Robertus fitz Stephan was betraied, et cetera. 
Sed Cogan et Dublinenses confundebant Rodericum, et venientes per passum de Polmonte 
confundebant O Brien et Ossorienses.

1172.4
Tertio. Oraricus rex Midie, vocatus monoculus, venit ad Dublinium cum magna hominum armatura et 
obsidens convincebatur per Cogan.

1172.5
Henricus 2. applicuit apud Waterfordiam cum 500 militibus preter equos et sagittarios, anno etatis 
sue 41. regni 18. et comisit Robertum fitz Stephan Rightgenald turri, quia absque licentia sua talem 
conquestum adtemtavit, sed postea cum eo misericorditer dispensavit.

1172.6
Reges Southwest Hibernie venerunt ad Henricum 2, scilicet Dermitius rex Cork, Donvaldus rex 
Lymricii in Cashell, et Donvaldus ac O Melaghlyn ex parte boreali, venerunt ad rivulum de Sure, 
et submittendo se juraverunt et exhibuerunt vadimonia de pace domini regis tenenda.

1172.7
Apud Dublin venerunt Machelanus O Phelan, O Mac Chalewy, O Tuelihelly, Gile Mc Holmoc, 
O Cathdhessy, O Carvell de Uriell, et Orwairk de Midia. Sed Roderik rex Conatie obviavit 
Hugone de Lacy et Willelmo fitz Adelm ambasiatoribus domini regis apud rivulum de Shynien 
in confine Midie, et fecit homagium et promisit tributum et sic obtinuit pacem domini regis.

1173.0
1173.

1173.1
Cleri Hibernie congregati in Cashell autoritate pape Adriani et Alexandri ad instantiam Henrici 2. 
tunc in Hibernia existentis pro reformatione ecclesie et cetera. Ubi Lismorensis episcopus legatus, 
Donatus Cashellensis, Laurentius Dublin et Catholicus Tuanensis.

1173.2
In primis, quod inhabitantes non contraherent aliquod incestuosum matrimonium cum suis 
consanguineis contra canonum sanctiones.

1173.3
Secundo. Quod eorum infantes catechizentur per parochianos in porta ecclesie ante baptismum 
in fonte.

1173.4
Tertio. Quod omnes, qui se pro christianis gerunt, solvant integras decimas bladorum, catallorum, 
et aliorum crescentium absque deductione expensorum, et diminutione.

1173.5
Quarto. Quod territorium ecclesie et omnes mansiones sint libere et immunes ab omni seculari 
exactione et impositione, et in specie, quod nec reges nec comites 


--------------------------------------------------------------------------------

p.12

neque alii domini Hibernie, aut eorum filii, aut familia, vel caputanei, vel alii aliqui temporal[gap: 
extent: two letters] petant, aut presumant aliquo modo exigere violenter ab hinc aliqua esculenta 
aut poculenta, aut pernoctare infra terram ecclesie, nec habeant nec petant fore illam dietam, 
quam in temporibus retroactis, quarterie annuatim exigere solebant ab ecclesiasticis personis.

1173.6
Quinto. Quod homines ecclesiastici per compositionem redemptionis seu recompensationis 
homicidii per consanguineos comissi, non cogantur aliquid solvere, nisi probentur accessorii in crimine.

1173.7
Sexto. Quod testamentum condens faciat testamentum fieri et legi coram personis fide idoneis, 
et bona sua debitis servorum stipendii solutis dividantur inter uxores, liberos, et executores ad 
usum funeralium, seu ut defunctus in vite tempore aliter ordinavit, et si non habeant liberos 
dividantur bona inter defunctum et uxorem. Sed si habeant liberos, uxore decessa, tunc dividantur 
inter se et liberos equaliter.

1173.8
Septo. Quod funeralia defunctorum devote et solempniter teneantur et exequantur, et omnes 
vicini, sive fuerint inimici sive non, habeant tempore funeralium atque exequiarum liberum 
accessum et recessum.

1173.9
Octo. Quod ecclesia Hibernie sit in uniformitate cum ecclesia Anglicana secundum usum, morem, 
ritum et ceremoniam ecclesie Salisburiensis.

1173.10
Abusus ecclesie Hibernie sub sigillo legati fuere propositi, et confirmati per communem Synodi 
consensum, et postea per Gelatum alias Gelasium Armachanum primatem in Dublin, qui ratione 
sue debilitatis et senectutis ad Cashell venire non poterat, ita consumptus erat senio quod lacte 
unius vacce albe utebatur tantum, et anno sequenti obiit.

1173.11
Maelgunus, germanus regis Northwallie, fugit a domino fratre suo in Hiberniam, sed revertendo 
in Walliam ex Hibernia capiebatur a David ap Owen principem predictum ubi plures Hibernici 
conciderunt.

1173.12
Ororicus, rex Midiensis, interficiebatur per Hugonem Lacy, quia ille proposuit interficere eum 
de Lacy secum in preliando.

1173.13
Lymric iterum capta per Redmundum de la Grace die Martis, cujus pretextu rex Conatie et 
Donaldus rex Thomonie renovarunt homagium.

1173.14
Richardus Strangbo, comes Penbrochie, dominus de Chepsto et Ogney in Anglia, comes 
Strangulensis, atque in Hibernia comes Marchiarum, primus 


--------------------------------------------------------------------------------

p.13

Anglus qui primo invasit Hiberniam, obiit circa Kalendas Junii, et sepelitur in ecclesia Trinitatis 
Dublin coram imagine crucis, relinquens unicam filiam, nomine Isabellam, quae remansit sub 
custodia domini regis Anglie 14. annis.

1173.15
Hoc anno Geraldus Cambrensis cum fratre suo Philippo Barry venit in Hiberniam ad taxandum 
supervidendum seu describendum terram Hibernie, qui collegit descriptionem totius terre 
Hibernie ad petitionem Roberti fitz Stephani avunculi sui.

1173.16
Eodem anno castrum Fernes fuit edificatum per filios Mauricii fitz Gerald.

1173.17
Johannes Courcey, factus comes Ultonie, obtinuit victoriam quinque bellis versus Ultonienses, 
antequam fecit quietum conquestum, scilicet bis in Down, semel afferendo praedam, semel in 
Uriel, et postremo juxta fontem de Iveary.

1173.18
Vivianus cardinalis tituli Sancti Stephani in monte Celio sede Apostolice legatus, ab Alexandro 
papa missus, venit in Hiberniam ad significandum titulum et interresse domini regis Anglie ad 
insulam Hibernie, super reservatione denarii Petri, et insuper ad denunciandum excommunicatos 
et maledictos omnes, qui resisterent aut negarent dare cibarium seu victum militibus ac familiis 
domini regis pro rationabili pretio.

1173.19
Milo Coggan et Richardus, alias Radulfus, filius Stephani ejus gener interfecti fuerunt inter 
Waterfordiam et Lismore per proditorem nomine Machthyri, qui duxit eos ad convivium.

1173.20
Ecclesia cathedralis Sancti Patricii Dublin fundebatur per Johannem Comen archiepiscopum, 
dedit eidem obventiones et convertebat eam a parochiali in Cathedralem, et postea controversia 
oriebatur inter ecclesiam Trinitatis et eam, sed Trinitas obtinuit preferentiam.

1173.21
Abbatia de Jeripont in comitatu Kilkennie fundatur per Donatum O Donachow.

1173.22
Meiller mutavit Kildariam pro Lacia, nunc vocata Queenes Countie, ut Omoordha vi et gladio 
subjugaret, quos Harvey in aliquam non potuit adducere conformitatem pacis, eo quod ille 
Meiller erat vir bellicosus et sanguineus.

1173.23
Johannes Lacy, constabularius de Cestria, et Richardus de Peach missi sunt gubernatores in 
Hiberniam, edificarunt castrum in Frontera id est in Forhirtha Ynowland, Trysteldermot, et 
Tawlaught et sic deinde reverterunt in Angliam.


--------------------------------------------------------------------------------

p.14

1173.24
Circa haec tempora Mauritius fitz Gerald, justiciarius Hibernie, edificavit castrum de Sliggagh in 
Conatia, vivente Phelino O Conchur rege ibidem.

1227.0
1227.

1227.1
Civilis guerra et comotio inter Hugonem Lacy et Willelmum Mariscall, adeo ut Midia devastabatur. 
Galfridus Trewell episcopus Ossoriensis.

1233.0
1233.

1233.1
Gualterus Lacy dominus Midie obiit, habens ij. filias heredes scilicet Margaretam uxorem domini 
Thome Verdon, et Matildam uxorem Galfridi Genevile.

1234.0
1234.

1234.1
Richardus Mariscall comes Penbrochie et dominus de Ossoria in Hibernia, dire vulneratus juxta 
Kildar in bello de legreath heath et obiit 4.o Aprilis, sepelitur apud Kilkenniam, et secundum 
alios captivus fuit apud Lacy. Powell dicit hoc fuisse anno 1231, proditione familie sue, pag. 291.

1242.0
1242.

1242.1
Gilbertus Mariscallus, 3. filius Willelmi senioris, comes Penbrochie factus, intravit suam 
Hibernicam hereditatem.

1242.2
Mauritius fitz Gerald de Tyrconell et seisatus in tota provincia dedit dimidiam Cormaco 
McDermot McRory.

1242.3
Hugo Mapilton episcopus Ossoriensis primus fundator ecclesie Sancti Kenitii Kilkenie claruit 
et obiit, ut alii dicunt 1243, alii 1256.

1243.0
1243 aliter 1253.

1243.1
Hugo Lacy comes Ultonie obiit et sepelitur in monasterio fratrum minorum Carregfergi, 
relinquens unam filiam heredem, quam Walterus de Burgo desponsavit et sic factus comes Ultonie.

1245.0
1245.

1245.1
Walterus Mariscallus, 4. filius Willelmi senioris, comes Penbrochie obiit apud castrum 
Godrici juxta Monmoth, cui successit 5. filius Ancelmus, sed quia ordine juris omisso 
absque licentia domini regis hereditatem intravit, uxor sive relicta ejus portione uxorali 
gaudere non potuit. Marescallis omissis, 5 fratres absque heredibus decesserunt, et hereditas 
eorum fuit impartita inter 5. filias Mariscalli, videbis in brevi collectione seu summa per Nicolaum 
episcopum Leighlin extracta, quam causa brevitatis hic omitto et scribam in foliis inter alias et cetera.

1252.0
1252.

1252.1
Henricus 3. concessit suo seniori filio Edwardo Gasconie principi Hiberniam et comitatum Cestrie.

1253.0
1253.

1253.1
Johannes Geffrey miles justiciarius Hibernie, forsitan eo anno obiit.

1257.0
1257.

1257.1
Mauritius filius Galfridi de Geraldinis qui primus fundavit monasterium fratrum minorum de 
Yoghell alias vocatur Mauritius fitz Gerald.

1246.0
1246. ?

1246.1
Galfridus de Sancto Leothegario episcopus Ossoriensis famosus obiit.

1246.2
1246 vel 1257. Aelianus de la Zouch justiciarius Hibernie.


--------------------------------------------------------------------------------

p.15

1246.3
Vide antea. Mauritius fitz Gerald et Phelinus O Conchur postquam venerunt ex Wallia 
pugnaverunt ex parte Cormaci McDermot McRory contra O Donull Hibernicum inimicum, 
qui subditos domini regis in Ultonia crudeliter vexavit post obitum Lacy nuper comitis ibidem.

1258.0
1258.

1258.1
Stephanus de longe Espee justicarius Hibernie. Anno 42 Henrici 3. interfecit O Nel cum 352 
ejus familiaribus in vico de Down.

1261.0
1261.

1261.1
Willelmus Den justiciarius Hibernie obiit, et Johannes fitz Thome de Geraldinis (Desmond) 
cum filio ejus interfectus, qui fuit fundator monasterii de Trayly.

1262.0
1262.

1262.1
Rogerus, episcopus Ossoriensis. Thomas, episcopus Leighlenensis.

1264.0
1264.

1264.1
Mauritius fitz Gerald et Mauritius fitz Maurice (filius ejus) manuceperunt Richardum de 
Capella justiciarium et Theobaldum Butler et Milonem Coggan apud Tristledermot et inde 
Hibernia plena erat civili guerra et comotionibus inter Geraldinos et Walterum Burk comitem 
Ultonie, ceterosque Burkes.

1268.0
1268.

1268.1
Conchur O Brien fuit interfectus per Dermitium McMynard.

1268.2
Mauritius fitz Gerald comes Desmondie submersus inter Walliam et Waterfordiam.

1269.0
1269.

1269.1
Terremotus in Hibernia.

1269.2
Castrum de Roscoman fundatum et pene edificatum.

1270.0
1270.

1270.1
Hugo, fratrum minorum, episcopus Ossoriensis, dedit fontem Sancti Kenitii monasterio ibidem.

1271.0
1271.

1271.1
Richardus Verdon et Johannes Verdon interempti et castrum Sligo fundatum.

1271.2
Pestilentia et fames in tota Hibernia, et Fulco archiepiscopus Dublin obiit.

1271.3
Bonifacius papa petiit decimam omnium spiritualium promotionum in Hibernia pro tribus 
annis in subsidium ad guerrandum contra regem Aragon.

1271.4
Henricus 3. obiit.

1272.0
1272.

1272.1
Edwardus 1.

1272.2
Dominus Walterus de Genevile revertens a terra Sancta factus justiciarius Hibernie.

1272.3
Waterfordia fuit cremata in magna parte.

1272.4
Ricardus de Burgo comes Ultonie et Eustacius le Poer miles invaserunt Scotiam.

1272.5
Waltergus alias Gwalterus episcopus Leighlen.

1276.0
1276.

1276.1
Magna strages hominum in Glyn-burrie et Rathpipherd; et Hanloynes persequebantur O 
Neill in bello, et castrum de Roscoman captum est per Hibernicos iterum.


--------------------------------------------------------------------------------

p.16

1277.0
1277.

1277.1
O Bryen Roo regulus Tholeremundi interfectus per Thomam de Clare, et idem Thomas 
cum suis fuerunt inclusi per Hibernicos in Slowbanny.

1277.2
Edwardus 1., statutum de terris in mortuam manum alias mortmayne (anno 9.o Henrici 3. 
conditum) renovavit, quod fuit confirmatum anno 23 Henrici 8. et cetera, multa dabantur ecclesiis.

1278.0
1278.

1278.1
MacDermot de Moylargo interfecit Cothgurum O Conchur regem Conatie, et Johannes de 
Derlington fuit archiepiscopus Dublin, secundum Raphuell.

1281.0
1281.

1281.1
Adam Cusak junior interfecit Willelmum Barret et plures Hibernicos in Conatia.

1281.2
Fulburnus frater, episcopus Waterfordie, factus est justiciarius Hibernie.

1282.0
1282.

1282.1
Morthaghus (Murtagh) et Arthurus Mc Murchardi interfecti in Athlone per Pynquietum.

1283.0
1283.

1283.1
Galfridus Leothegarius episcopus Ossoriensis secundus fundator ecclesie Sancti Kenitii 
Kylkennie, et primus fundator collegii de le comuni aula in Kilkennia, qui etiam dedit cameram 
suam cum manso eidem aulae comuni.

1283.2
Waterfordia et Dublin casualiter per igne combust: et plures Anglicani interfecti fuerunt in 
Ophaley, ubi dominus Theobaldus Butler perdidit equos et familiam.

1285.0
1285.

1285.1
Johannes Stamford consecratur archiepiscopus Dublin.

1285.2
Dominus Theobaldus Butler obiit in Arcloo.

1286.0
1286.

1286.1
Geraldus fitz Morice captus per Hibernicos in Ophaly, strages magna in Rathod (Ratoth) a 
qua dominus Galfridus de Genevile fugiendo, Geraldus Dogoit et Radulphus Petit, interfecti sunt.

1290.0
1290.

1290.1
O Mulseaghlen rex Midie interfectus per Mc Coughlan et Wm Burg devictus apud Delon 
per eundem Mc Coughlan cum diversis Anglis qui fuerunt interfecti cum eodem rege.

1290.2
Edwardus Baliol rex Scotie fecit homagium domino Veschy deputato Hibernie, et magna 
mortalitas fuit in Hibernia hoc anno et ij annis sequentibus.

1292.0
1292.

1292.1
Willelmus Veschi justiciarius Hibernie habuit xv.am partem omnium bonorum temporalium sibi 
concessam ad onera guerrarum supportanda, et non multis diebus postea idem Veschie et 
Johannes comes Kildarie contenderunt, cujus causa fugit Veschie in Franciam, metu combati prefixi.

1294.0
1294.

1294.1
Richardus Burgh comes Ultonie et Willelmus Burgh capti sunt per 


--------------------------------------------------------------------------------

p.17

Thomam comitem Kildarie, et comitatus Conatie fuit devastatus, et magna fames in Hibernia, 
adeo quod mensura de la cronock solvebatur pro VIIs. VId. ster. et Calough O Conchur 
cremavit recordas, rotulos, et rentalia comitatus in castro Midie, ut credo in castro de Baliathroyn 
alias Thryme.

1295.0
1295.

1295.1
Willmus Dongsells, justiciarius Hibernie, cujus tempore alterum fecerunt viagium ex Hibernia 
in Scotiam Minorem.

1299.0
1299.

1299.1
Johannes Wogan miles justiciarius Hibernie, autoritate brevis ad eundum cum domino rege in 
Scotiam, monuit Richardum de Burgo comitem Ultonie, Galfridum de Genevile, Johannem 
fitz Thomas, Johannem fitz Moris, Theobaldum le Butler, dominum Thomam Verdon, dominum 
Petrum Bremingham, dominum Eustace de Power, dominum Hugonem de Prechell, Johannem 
de Coggan, Johannem de Barry, Walterum de Lacy, Richardum de Exceter, Johannem Pipard, 
Walterum Limfaunt, Willmum Caddell, Johannem de Wale, Mauritium de Carrwe, Georgium 
de la Roch ut essent in Withwalovn primo Martii.

1301.0
1301.

1301.1
Lagenienses inferiores insurrexerunt et devastaverunt comitatum circa castra de Arcloo et 
Rathdown, propter quod catalla eorum fuerunt confiscata ad usum domini regis.

1303.0
1303.

1303.1
Comes Ultonie cum Richardo Burgo et Eustace Power militibus intravit Scotiam Minorem 
et antequam recessit ex civitate dubbavit 34 milites. Vide supra.

1304.0
1304.

1304.1
Civitas Dublin casualiter cremata fuit in magna parte.

1304.2
Mortaghus O Conchur, rex de Ophaly, et Calvaticus ejus frater fuerunt interfecti in curia 
Petri Bremyngham apud Carrig in Carebria per Jordanem Comyn filium Archiepiscopi 
Comyn, vide supra. Bishops then did not mary, yet had children.

1305.0
1305.

1305.1
Richardus Fleeringis (Haveringis) archiepiscopus Dublin.

1305.2
Interemptio facta super O Conchur et familiam et conspiratores suos ubique, et in specie 
apud castrum de Geishell in Ophaley per O Dempsy.

1306.0
1306.

1306.1
O Breyen rex Tuamens: et Downaldus Russe rex Desmondie fuerunt interfecti per M'Carty; 
et magna strages contra Petrum Butler, dominum de le Butler.

1306.2
Bala Moor Eustace fuit combusta et depredata per Moardhas et alios Hibernicos, et Henricus 
Calf generosus interfectus, magnaque guerra seu civilis factio in Lagenia et magna strages in Glynfell.


--------------------------------------------------------------------------------

p.18

1307.0
1307.

1307.1
Morchodus Ballach princeps Lagenie, decapitatus juxta Merton per David Cantown militem, 
et statim postea Adam Dawn interfectus, et plures Anglicani interfecti in Conatia per O Shiell, 
primo Maii, et Hibernici rebelles in Ophaly destruxerunt castellum de Geishell, et cremaverunt 
villam de Leay.

1307.2
Rex Edwardus I. obiit 7o Julii.

1308.0
1308.

1308.1
Edwardus 2. cepit regnare, secundum alios anno 1307, deinde fecit confiscari bona et proscribere 
terras et personas Templariorum juxta directionem Romani Pontificis.

1308.2
Willmus Mc Balthar cremavit castrum de Kennun et villam de Courcowley cum interfectione 
hominum ibidem.

1308.3
1308, sexto Junii. In Glyndelory alias Glynmolowra, Johannes Wogan justiciarius Hibernie in 
fugam coactus per Hibernicos rebelles ibidem, et Johannes de Sancto Howgelyn, Johannes 
Northon, Johannes Brereton et plures alii fuerunt interfecti. Downlowan, Typper, et plures alie 
villae cremate fuerunt per eosdem rebelles.

1308.4
Petrus de Gaveston cum literis et autoritate a domino rege venit in Hiberniam, cui dominus rex 
concessit jura regalia in Hibernia, qui Gaveston interfecit O Dempsies, et edificavit diversa 
castra, pontes et pavimenta in Hibernia, et fuit revocatus in Angliam anno sequenti.

1309.0
1309.

1309.1
Dominus Roger Mortimer cum sua uxore, scilicet filia Petri Genevile filii Galfredi Genevile, 
domini de Midia, applicuit in Hiberniam vigilia Sanctorum Simonis et Jude, et intravit 
possessionem segnorii de Midia jure uxoris sue quae fuit heres.

1310.0
1310.

1310.1
Parlamentum apud Kildariam tentum ubi dominus Arnoldus le Power fuit acquittus a morte 
domini Johannis Boneville per eum nuper interfecti, quia in defensione sua fecit et cetera.

1311.0
1311.

1311.1
Parlamentum apud Kilkenniam coram Johanne Wogan justiciario, ubi plures condite sunt 
leges, que modo non sunt in usu, et in eodem parlamento contenderunt Rowlandus Joice 
primas Armachanus et Johannes a Leeckis archiepiscopus Dublin, quia primas Dublin inhibuit 
ei ne ipse Armachanus pontificalia in provincia Lageniensium coram eo ferri faciat, vide infra.

1311.2
Richardus Haveringis Dublin archiepiscopus obiit, qui quinque annis tunc retroactis ratione 
sumpnii resignavit suam dignitatem.

1311.3
O Brienses de Gailgaish ad numerum 600 fuerunt interfecti per Richardum 


--------------------------------------------------------------------------------

p.19

de Clare justiciarium, et Johannes Mc Geoghegan interemptus per O Molmoy, et dominus O Brien in Thomond per suos sequaces necatus.

1312.0
1312.

1312.1
Dominus Edmundus de le Butler deputatus justiciarii Wogan obsidebat O Byrnes alias Branenses in Glyndelowra, et cogebat eos paci domini regis se submittere, et anno sequenti die Sancti Michaelis, dominico videlicet die, creavit 30 milites apud Dublin, et die Lune proximo subjugavit Branenses et quietam fecit Hiberniam; adeo quod ab Arcloo ad Clonemore et inde ad Caterlogh, et inde ad Cadelli domum, et inde ad Lymritium solebat progredi cum iij. equestris tantum.

1314.0
1314.

1314.2
Hospitalierii milites Sancti Johannis Jerusalem fuerunt primo instituti in terra et possessionibus Templariorum per totam Hiberniam.

1314.2
Theobaldus Verdon justicarius Hibernie constitutus, quo anno fuit rebellio universalis, Hibernenses in Conatia Ultonia et Midia rebellaverunt sic quoque in Momonia et Lagenia et cetera. Othoiles, Branenses et Moardhae insurrexerunt cremantes et spoliantes a Wickloo usque ad Athy, non cessando donec 800 eorum fuerunt interfecti per deputatem Hibernie; et in Conatia juxta Athenry Burgus et Bremyngham interfecerunt Fedelmicum O Conchur regem Conatie et O Kelly in Manny cum xj. millibus de eorum confederatoribus.

1314.3
Edwardus de la Bruce frater Roberti regis Scotie invadit Hiberniam, et in conducto suo habuit comites de Murrey et de Menthothe, cum domino Johanne Styward, domino Johanne de Cambell, domino Thoma Randulph, Fergutio de Andressam, Johanne Wood, Johanne Bishett, applicuerunt apud Carrekfergus, et conquisierunt Ultoniam et cremaverunt Dundalk, deinde venerunt ad Castrum Knock proponentes obsidere Dublin, sed Dublinenses totum suburbium cremaverunt, et pontem fregerunt. Rebelles mutaverunt consilium, manucapiendo senem Tyrell de Castro Knock cum uxore et herede, venerunt per patriam cremando Naas, Tristeldermot, Cathirlogh, Gawran, alias Balla-Gawran, Callan et Cashill et tenuerunt pasca juxta Lymritium, et ibidem dictus Bruce fecit se denominari monarcha Hibernie. Sed civibus Lymritii resistentibus, in regressu suo exercitus ejus famem ob defectum provisionis patientes, plures eorum in itinere moriebantur, et alii quamplures interfecti in Westmeath per Butleros et cetera; deinde venientes ad Dundalk dictus novus rex inter ceteros decollatus per carnificem de coherte Dublin (called Mappas) et tunc cessavit conquestus Dublin. Suddane clyming sudane falling, an high flood a low ebb. Mappas a jugler knocked him with ij. bullets in a bagg and killed him, et ipse 


--------------------------------------------------------------------------------

p.20

super eum occisus et terra dabatur a rege heredibus suis quattuor polles. The ambassadors of Scotland expected of the King of England some dispatch, and he, as is said, thought to have geven Bruce Ulster, the head of Bruce with other heads after a great feast for a banquet was laid before them, confusi surrexerunt et discesserunt. The Scottis were killed by Brymyngham, and he made erle of Louth, vide infra in Alexander Bignor.

1315.0
1315 vel 1316.

1315.1
Johannes fitz Gerald primus comes Kildarie obiit.

1316.0
1316.

1316.1
Edmundus Butler justicarius Hibernie.

1316.2
Johannes Leech alias Aleecke Dublin archiepiscopus prohibuit primati Armachano ne uteretur cruce, pallio aut aliis pontificalibus insigniis infra provinciam Dublin, quoniam Metropolitanus Dublin ut allegatum et probatum fuit non cognoscat aliquam superioritatem citra pontificem Romanum; vide supra.

1316.3
1316 secundum alios 1334. Milerus episcopus Leighlen, vel alius ejusdem nominis.

1316.4
1316. Robertus de la Bruce rex Scotie applicuit in Hibernia apud Knock (Carreg) Fergus, ecclesiam ibidem spoliavit, cepit castrum per sursum redditum custodum, cibo eorum deficiente.

1316.5
Die Lune post festum Omnium Sanctorum. De iisdem Scotis 300 in duplici armatura induti, ac 300 et supra in simplici armatura preter pedestres fuerunt per Johannem Loggan et Hugonem Byssett milites conducti/interfecti quere 

[In printed edition, 'conducti' is above line, 'interfecti' below line; both are joined by a curly closing bracket, followed by 'quere [sic]'.]

.

1317.0
1317.

1317.1
Rogerus Mortymer dominus Middie jure uxoris, fit justiciarius Hibernie.

1317.2
Tempestas magna et validus ventus insurrexerunt, quae prostraverunt campanile ecclesie Trinitatis Dublin et domos quamplurimas et alia nocumenta.

1317.3
Fames irrationabilis prevaluit adeo quod mensura tritici de le cronock continens 4or galones solvebatur pro xxiij. s.

1318.0
1318.

1318.1
Roger Mortimer justiciarius apud Yoghill applicans audivit quod Edmundus Butler interfecit plures Hibernicos rebelles apud Tristledermot, et juxta Balyleathan alias Loaghan de familiaribus O Morochow.

1318.2
Alexander Bignor archiepiscopus Dublin, qui erigens universitatem in Dublin creavit cancellarium et vice-cancellarium, ceterosque officiarios ad eandem requisitos, primo anno sue consecrationis, vide paulo infra. Alexander Bignor fit justicarius, in cujus gubernatione Edwardus le Bruce cum 2000 Scotis et 


--------------------------------------------------------------------------------

p.21

aliis combinatoribus suis fuerunt interfecti juxta Dundalk, per Johannem Bremyngham comitem de Louth, campi generalem capitaneum, et tunc conquestus Scotorum cessavit, vide supra.

1318.3
400 fuere interfecti in Conatia inter duos nobiles ejusdem patrie circa parvam terre portionem contendentes.

1319.0
1319.

1319.1
Pons de Kilcullen et anno sequenti pons Leiglin fuerunt edificate per Mauritium (Johannem alii dicunt episcopum Kildarie postea) Jacckis canonicum ecclesie Kildarie propriis expensis et licentia prius obtenta.

1320.0
1320.

1320.1
Academia Dublin cum privilegiis universitatis a Johanne 22. papa erecta, Alexander Bignor archiepiscopus, ejusdem fundator, creavit iij. doctores sacre theologie, videlicet Willelmum Hardity, Henricum Cogie et Edmundum Bernardin, et unum doctorem decretorum nomine Richardum archdiaconum ecclesie Dublin, qui postea fuit cancellarius dicte universitatis et cetera; qui terminos suos tenuerunt et comendationes solemniter, quaequidem academia fuisse revocata non reperio, immo ut credo quod ipsa per negligentiam et propter defectum exhibitionis ruit.

1320.2
Johannes fitz John 2. comes Kildarie fit justiciarius Hibernie et anno sequenti Johannes Bremyngham comes de Louth fuit creatus justiciarius Hibernie.

1320.3
Edmundus Butler filius Theobaldi le Butler domini de Carrig Rosscrea apud London in vigilia exaltacionis Sancte Crucis, primus comes de Pincernis, qui vocabatur comes de Balygawran obiit, et vigilia Sancti Martini sepeliebatur apud Balygawran predictam.

1322.0
1322.

1322.1
Dominus Johannes Darcy miles fit justiciarius Hibernie, vide infra anno 1338.

1322.2
1322. In Kilkennia vixit quedam domina nobilis nomine Alicia Kettell sortilega cum Petronilla et Basilla suis complicibus et asserebat ipsam habuisse (vide rotulam Episcopi Ossoriensis) colloquium omni nocte cum nephando spiritu nomine Robin Artisson, cui ipsa consuevit sacrificare in via regali, ix. gallos rubros et novem pavonum oculos et colligere purgamenta platee in Kilkenia post completorium ad domum filii sui, dicendo Anglice hunc versum. 

To the house of William my sonne, 
Hie all the welth of Kilkenie towne:
et inveniebatur in camera ejus sacramentalis hostia et nomen diaboli in eadem scriptum, una cum tonna olei, cum quo (ut serva ejus fassa fuit) baculum ad 
--------------------------------------------------------------------------------

p.22

equitandum ubi voluerat ungebat, deinde ista nobilis ex favore fugere permissa fuit, ceteri vero consolii omnia ista fassi et combusti fuerunt.

1326.0
1326.

1326.1
Edwardus 2. obiit 25 Januarii, regnavit 18 annis, 6 mensibus et 15 diebus.

1326.2
Edwardus 3. cepit regnare.

1326.3
Adam Niger de familia de O Tooles in Lagenia spiritu satanico obsessus, negans incarnationem Christi, trinitatem personarum et resurrectionem carnis, dicensque scriptum esse fabulam et Mariam vite fuisse dissolute, sedemque Apostolicam errores premissos affirmasse et cetera, cremabatur in Hogges Greene juxta Dublin.

1326.4
Arthurus Mc Murchardi et Henricus Traherne miles capti per Butleros.

1327.0
1327.

1327.1
Rogerus Owtlaw prior de Kylmaynam fit justiciarius Hibernie.

1329.0
1329.

1329.1
Johannes Bremyngham comes de Louth et Talbot de Malaghide cum pluribus aliis interfecti fuerunt apud Balybregan per inhabitantes patrie.

1329.2
Thomas Butler et plures alii fuerunt interfecti per Mc Geoghan juxta Molingar.

1329.3
Adam Mc Gillamore et alii Hibernici cremaverunt 80 innocentes in una ecclesia cum presbytero massam celebrante.

1330.0
1330.

1330.1
Cives burgenses Wexfordie interfecerunt 400 Hibernicos rebelles juxta rivulum de Slayne, et anno sequenti plures rebelles Hibernici fuerunt interfecti in Kinsellay.

1331.0
1331.

1331.1
Castra de Fernes et Cowlaugh et Arcloo capta fuerunt per O Theothill qui interfecit Anglicas garrisones ibidem, sed anno sequenti Anglici recuperarunt ea, sed castrum de Bonrath alias Bonrathe destruitur per Hibernicos de Toamond.

1332.0
1332.

1332.1
Edwardus 3. in bello de Haldownhill in Scotia interfecit de Scotis 8 comites, 900 milites et baronettes, 400 armigeros, et alios innumerabiles, cepit que Berwick cum aliis fortalitiis.

1333.0
1333.

1333.1
Johannes Darcy Hibernie justiciarius intravit Scotiam et interfecit 700 Scotos vocatos red shankes.

1334.0
1334.

1334.1
Milerus episcopus Leighlen.

1334.2
Johannes episcopus Leighlin cognomine Mulgan primus fundator quatuor capellanorum choralium ecclesie Cathedralis Sancti Lazeriani Leighlen, sepultus fuit juxta tumbam ducis Gurmundi, ad stallum thesaurarii ecclesie.


--------------------------------------------------------------------------------

p.23

1336.0
1336.

1336.1
Cynnus et Oldratus legistae, Sanctus Rochus vel Riochus et S. Hawlerus theologi claruerunt.

[In printed edition, 'Cynnus et Oldratus legistae' is above line, 'Sanctus Rochus vel Riochus et S. Hawlerus theologi' below line; both are joined by a curly closing bracket, followed by 'claruerunt'.]

.

1336.2
In die Sancti Laurentii plures Hibernici rebelles interfecti fuerunt in Conatia per Anglos patrie.

1337.0
1337.

1337.1
Johannes Charleton baro Hibernie. justiciarius cum 200 Walensibus venit in Hiberniam, erat maxima exactio eorum exclamata, unde Thomas, episcopus Herdfordiensis, eligitur et venit justiciarius Hibernie 1338, et anno [...] Johannes Darcy assignatus fuit justiciarius Hibernie durante ejus vita.

1339.0
1339.

1339.1
Edw. 3. made clayme ad totum regnum Francie tanquam verum ejus dominium et hereditatem, et fecit se proclamari regem Francie.

1339.2
Thomas Minoth/ Johannes de Sancto Paulo Archiepiscopus Dublin, quere quis prior, quis posterior.

[In printed edition, 'Thomas Minoth' is above line, 'Johannes de Sancto Paulo' below line; both are joined by a curly closing bracket, followed by 'Archiepiscopus Dublin, quere quis prior, quis posterior'.]


1340.0
1340.

1340.1
Edwardus 3. ad sinistram persuasionem emulorum revocavit omnes libertates antea concessas, inde omnes tam Anglicani quam Hibernici tenentes scripserunt domino regi in Angliam querulando, et negaverunt interim venire ad parlamentum in Dublin.

1348.0
1348.

1348.1
Mortalitas magna et pestilentia in Hibernia.

1348.2
Translatio Sancti Fyntani abbatis patroni de Clonenagh in episcopatu Leighlen per Thomam de Sancto Leothegario episcopum Midensim facta fuit, et si queratur quare examinatio miraculorum et autoritas canonizationis hujusmodi non comittebatur potius ordinario loci quam extraneo, respondetur quod episcopus Leighlen supplicavit Romano pontifici pro caussione translationis et canonizationis et cetera.

1350.0
1350.

1350.1
Kymbrichus (ut puto Kenvrik Britanus) Sherman, major Dublin, magnus omnium ecclesiarum provintie benefactor, legavit in suo testamento 3000 markes, whether to the church or no quere.

1355.0
1355.

1355.1
Mauritius fitz Gerald comes Desmond, durante vita justiciarius Hibernie, obiit, et Thomas Rocksey miles justiciarius succedit.

1357.0
1357.

1357.1
Rex Anglie plures habuit ex Hibernia, pugnatur versus Wallenses, et in Francia apud (Crostea), ubi obtinuit victoriam famosam et cepit castra in triumpho.

1357.2
Mauritius fitz Thomas comes Kildarie justiciarius secundum Campion et Stanihurst anno 1357 habuit sibi per literas patentes domini regis in feodo annuali 500 libras ratione sui officii, ea condicione quod ipse haberet secum in quolibet 


--------------------------------------------------------------------------------

p.24

bello 20 equos magnos cum equestris electis, quorum ipsemet sit unus. Historiographi putant hunc numerum fore ordinarium pro quolibet deputato et justiciario guerris et rebellionibus persistere.

1361.0
1361.

1361.1
Leonellus filius Edw. 3. dux de Clarence et comes Ultonie, justiciarius Hibernie transtulit scaccarium domini regis ad Catherlough, et disbursavit 500 libras in restaurationem parietum ville, et in autumno revocatus fuit in Angliam.

1366.0
1366.

1366.1
Thomas Carrew alias Grew rejectus fuit (et fugit in Angliam) per Mc Murchardum a dominio et dominico suo in Baronia de Idrona quam tenebat de Margareta alias Matilda cometissa Norfolcie in comitatu Catherlough vide infra.

1366.2
Sed postea tempore Henrici Sydney deputati quidam senior Petrus Carew miles inveniens rotulam evidentiarum et cetera venit et invenit et cetera, unde compulsi componere et cetera, Sidney went to hauke et cetera.

1369.0
1369.

1369.1
Anno Edw. 3. 44. Parlamentum in Kilkennia tentum coram Willelmo de Windesor justiciario in quo concessum est domino regi 3000 libras pro subsidio ad guerras, et hoc anno inhibuit rex Edwardus 3. peti, colligi aut solvi denarium Petri ad usum ecclesie Romane.

1370.0
1370.

1370.1
Pestilentia magna in Hibernia adeo quod propter imensitatem mortalitatis vocabatur ab antiquis tertia Hibernie pestilentia.

1372.0
1372.

1372.1
Patritius Freigney miles senescallus Lagenie, ut in registro ecclesie Leighlen reperitur, in itinere suo apud Caterlough, Kilkenniam et Wexfordiam anno 45 Edward. 3. tenuit curiam libertatis autoritatis domini regis, et fecit inquisitionem de chartis, usibus, libertatibus, et liberis consuetudinibus burgensium et libere tenentium Lagenie, copiamque sue inquisitionis decrevit concedi omnibus membris corporationum, qui suas chartas aut rescriptas aut escript perdiderunt in ultimis comotionibus et cetera, si peterent et cetera. He made fayre wether with a vile reach, sed anno sequenti rex propter suas exactiones et cetera, et eo quod deposuit plures injuste ex suis dominiis et libere tenementis revocavit autoritatem, cum incarceravit fecit eum facere restitutionem probantibus et juste accusantibus et imposuit super eum mulctam pecuniariam.

1373.0
1373.

1373.1
Johannes Hussey baro de Galtrym, Johannes Richard vicecomes de Midia fuerunt interfecti in Kynealiaagh.

1373.2
Galfridus le Wale interfecit Donatum Mc Murchard juxta Caterlaugh.

1373.3
Richardus Bookum episcopus Leighlen.


--------------------------------------------------------------------------------

p.25

1376.0
1376.

1376.1
Edwardus 3. obiit. Richardus 2. succedit.

1381.0
1381.

1381.1
Edmundus Mortimer comes Marchiarum et Ultonie (qui desponsavit Philippam filiam et solam heredem Leonelli ducis de Clarence) obiit in civitate Cork.

1383.0
1383.

1383.1
Philippus de Courtney justiciarius post mortem Mortimeri.

1385.0
1385.

1385.1
Ricardus Vere marques Dublin creatus est dux Hibernie durante vita, et omnia precepta et brevia regalia sub teste et nomine ejus emanaverunt.

1385.2
Pestilentia et mortalitas magna vocabatur 4 pestilentia.

1390.0
1390.

1390.1
Robertus Wadby (Weekeford) frater Augustinianus archiepiscopus Dublin.

1394.0
1394.

1394.1
Richardus 2. pro morte regine sue vexatus venit in Hiberniam circa festum Michaelis, et revertebatur circa carnisprivii festum, secundum alios secundum festum Sancti Johannis, ad ejus detrimentum, nam Hereford et Lancastrie et comitatus Eboraci insurrexerunt ubi plures Hibernici ceciderunt in bellis ex utraque parte pugnantes.

1397.0
1397.

1397.1
Rogerus Mortimer miles justiciarius Hibernie, qui jure uxoris sue fuit comes Marchiarum et Ultonie, fuit cum pluribus aliis interfectus per O Nowlan, O Byrne, Mc David More, Mortagh Mc Loaghlen capitaneum turbariorum Mc Murchardi et alios suos combinatores apud Calleston ab antiquis vocatum Ardabother, cujus mater ejus dedit ij. calices, unum in Misheill, alterum in Garghill, ut haberet illum vel vivum vel mortuum, ad transmittendum illum in Angliam.

1397.2
Richardus Northalis frater carmelitanus translatus ab alia sede in Dublin archiepiscopatum.

1398.0
1398.

1398.1
Richardus 2. rex vindicaturus mortem Rogeri Mortimer sui deputati venit in Hiberniam cum 200 navibus apud Waterfordiam; et eo tempore coegit O Nowlan vi. homines de majori natu sue patrie domino regi dare, ad voluntatem et electionem domini regis annuatim per xi. annos, et 2000 vaccas juvenes quolibet anno ad 7 annos.

1398.2
Post adventum domini regis Jenicho de Arthois Gaiscoyn interfecit 200 Hibernicos in comitatu Kildarie, et Dublinenses proximo die mane interfecerunt 40 inimicos, et ceperunt 33, quos captivos secum duxerunt ad Dublin.

1398.3
In veteri (old) Leighlen fuere 86 burgesses.

1401.0
1401.

1401.1
Johannes Drack maior Dublin cum suis civibus interfecit 400 de Hibernicis inimicis juxta Bree.


--------------------------------------------------------------------------------

p.26

1401.2
Primitiae fuerunt hoc anno assignatae per pontificem Romanum adeo stricte, quod nullus presbyter ad beneficium admittebatur, excepto quod hos fructus prius solveret.

1401.3
Thomas dominus de Lancaster filius et locum tenens domini regis Henrici 4. in Hibernia tenuit parlamentum apud Rosse, in quo habuit visum cartarum et patentium horum, qui a domino rege tenuerunt in capite, et inde revertebatur in Angliam.

1403.0
1403.

1403.1
Jacobus le Butler comes Ormonie, justiciarius domini regis in Hibernia.

1404.0
1404.

1404.1
Charta libertatis Hibernie et statuta Kilkennie fuerunt confirmata autoritate parlamenti coram comite Ormonie justiciario Hibernie, die Sancti Vitalis martyris; et exercitus domini regis interfecerunt 100 de Hibernicis inimicis juxta Kilcaa, clero pro bono successu pugnantium in processione orante apud Tristeldermot.

1405.0
1405.

1405.1
Jacobus Buteler comes Ormonie justiciarius Hibernie obiit apud Bellyngan alias Belligard, ut credo.

1407.0
1407.

1407.1
Jacobus Butler filius predicti comitis premortui fuit justiciarius Hibernie.

1407.2
Hugo Mc Adam Mc Gillamor falsus et ethnicus Hibernicus inimicus in Ultonia cremavit et destruxit 40 ecclesias, et manucaptum habuit Patritium Savadg, quem crudeliter tractavit, unde vulgo appellabatur [...] et iste Hugo McAdam McGillamor non diu postea petere beneficium sanctuarii compulsus, sed in ecclesia seu monasterio minorum apud Knockfergus sine misericordia et reverentia fuit interfectus, que ipse et pater antea cremaverant.

1408.0
1408.

1408.1
Stephanus Scrope fuit deputatus Thome Lancaster locum tenentis domini regis in Hibernia, et obiit apud Casteldermot.

1408.2
Comes Ormonie, comes Desmonie, et prior de Kilmaynam cum aliis generosis et capitaneis invadentes terram Mc Murchardi pugnaverunt in vicem in campo, primo Hibernici inimici ferociter resistere proposuerunt, et animose pugnaverunt, sed demum eis devictis comes Ormonie prosequendo viriliter in fine cepit O Nowlan cum duobus filiis suis, et pluribus aliis, quos duxit captivos ad dominum deputatum. But these O Nowlans were afterwards quite extirped.

1408.2
O Carvell et 800 de familia et confederatoribus suis fuerunt interfecti per comitem Ormonie et alios Anglos in suo conducto apud Callan, et sol dicebatur 


--------------------------------------------------------------------------------

p.27

expectasse post naturale tempus et occasum sui, et lucens donec Angli equitarunt vj. milia in prosecutione inimicorum suorum.

1409.0
1409.

1409.1
Civitas Dublin recepit primo gladium regale ab Henrico 4. et tunc creatus est maior cum antea gubernabatur per prepositum, in cujus probatione Dublinenses tenent adhuc suum antiquum sigillum cum superscriptione prepositure, et inde pluribus annis tunc sequentibus regebatur illa civitas per maiorem et ij. balivos, sed illos balivos Edward. 6. mutavit in ij. vicecomites.

1410.0
1410.

1410.1
Comunitas Anglie petiit Henricum 4. regem ut auferret temporalitatem a spiritualibus (which trobled England and Ireland, and especially the clergie of both landes, that they called all their wittes together to defend them selfes) allegando quod terra regni Anglie inordinate et negligenter per ecclesiasticos devastata, sufficeret pro creatione et sustentacione xv. comitum, 6200 armigerum, et 100 domibus elemosinariis et hospitalibus, atque exhiberent domino regi annuatim preterea ad sumptus guerrarum supportandos 20 millia librarum, ita quod quilibet comes haberet in feodo annuali seu redditu annuo 3000 marchas, quilibet miles 100 marchas, et 4 carrucatas terre arabilis, quilibet armiger 40 marchas, cum ij. carrucatis terre arabilis, et quodlibet hospitale 100 marchas; sed cleri obstiterunt. Lanquet vel Cooper.

1410.2
Fames magna in Hibernia.

1410.3
Prior de Kilmaynam justiciarius Hibernie duxit secum 1500 turbarios, et fecit viagium in patriam Byrnensium, ubi plures amisit cum Johanne Dorpatrik generoso, quorum turbariorum quidam revolverunt ad inimicos. 

1412.0
1412.

1412.1
Henricus 4. obiit. Henricus 5. succedit.

1412.2
O Conchur de Ophaly multum nocuit Midie, et captivavit 160 Anglos una die.

1413.0
1413.

1413.1
Johannes Stanley miles fit justiciarius Hibernie.

1414.0
1414.

1414.1
Dominus Johannes Talbot de Sheffield creatus locum tenens Hibernie, et Robertus Talbot brevi obiit, qui suis expensis fabricari fecit parietes ville Kilkennie.

1414.2
Archiepiscopus Dublin fuit justiciarius Hibernie, cujus tempore ipso episcopo et clero ad ejus mandatum in processione apud Tristeldermot, pro statu et bono successu, et celeri expeditione pugnantium contra Hibernicos orantibus, 3000 Hibernici inimici fuere interfecti juxta Kilcaa, per comitem Ormonie generalem armi et exercitus et suos Anglicos. As his father did a litle before.

1414.3
Thomas episcopus Leighlen cognomine Fleminge frater ordinis Augustiniani, 


--------------------------------------------------------------------------------

p.28

in ecclesia Sancti Trinitatis Dublin recepit ex parte domini regis homagium et fidelitatem ab Hugone O Neil in presentia episcopi Ossor: quo tempore ipse Willmus translatus fuit in Cassiliens: archiepiscop: qui Thomas obiit Leighlen et juxta voluntatem suam sepultus fuit in Kilkennia apud ordinem professionis sue.

1415.0
1415.

1415.1
Patritius Borrett episcopus Fernensis obiit, et sepultus est Kenlis.

1416.0
1416.

1416.1
Stephanus Fleming archiepiscopus Armach obiit.

1418.0
1418.

1418.1
Consilium regale apud villam de Naas Lagenie, ubi concluserunt prosequere Hibernicos inimicos.

1419.0
1419.

1419.1
4 Idus Maii. Donatus More Cavenagh Mc Murchardus principalis omnium Lageniensium capitaneus, quem nominarunt regem Lagenie, fuit captus et in Angliam missus, ubi per 7 annos fuit balinatus apud fabrum aurarium in Turre, et postea dimissus et destinatus in Hiberniam sub certa conditione. Of Balachillchovan that scept of Cavenaghs of the house of Mc Morrgh toke their names.

1419.2
Thomas le Butler germanus comitis Ormonie (qui vocabatur Thomas claudus) ivit in Franciam jussu regis Anglie, habens in suo conductu 100 equites Hibernicos ad suam electionem, qui applicans in Franciam versus Roone cremavit patriam in suo itinere, et depredavit et predam tam magnam duxit in campum regis erga noctem, adeo quod ubi solvebant mane xs. pro [gap: extent: two or three words] habuerunt quarterium seu armum bovile pro 1s. de nocte, sed post captionem civitatis licet ipse prius intravit secundum quosdam ibi obiit, secundum alios in Anglia per venenum mulieris, post reversum.

1420.0
1420.

1420.1
Jacobus le Butler comes Ormonie, locum tenens domini regis in Hibernia, occidit plures de familia et terribili exercitu Ymoardha juxta Athy, et sol preter naturam dicitur et cronicis scribitur stetisse per spacium iij. horarum ita ad mirationem plurium et miraculose, et donec comes vicit hostes in marisco rubeo (redd foord) alias prato rufo de Athy, nec grunna alias quackmyre ibi obsistit, quin equites justiciarii currebant in prosecutione hostium sicut hostes.

1420.2
Arthurus more Mc Murcharda, ferax rebellis, cujus potentie omnes Lagenienses resistere non potuerunt, fuit demum per eundem comitem Ormonie devictus, et mitigatus adeo quod sese et suos confederatores gracie regali submisit.

1420.3
Thomas comes Desmond et Momonie obiit, et sepultus in civitate Rothmagens: vide infra in hac pagina annum verum.


--------------------------------------------------------------------------------

p.29

1420.4
Comes Ormonie deputatus regis domavit O Bryens de Gailgaish, Burgos et Mc Bannanos in campo seu bellico conflictu juxta Sagelome, deinde Moardhos, O Geoghagan, Mc Mahonn et omnes Hibernicos inimicos in tribus mensibus, et durante hoc itinere et viagio ipse deputatus fecit ubique clerum cujuslibet patrie esse in solemni processione, bis qualibet hebdomada, orantes pro bono et felici statu ejusdem nobilis et aliorum pugnatorum contra dictos suos adversarios ceterosque reipublice dissipatores, utinam clerus hujus temporis Deum sic precibus devote invocarent, ut pugnatores crederent victoriam a Deo obtineri.

1421.0
1421.

1421.1
Henricus 5. obiit. Henricus 6. succedit.

1421.2
Richardus O Hiden archiepiscopus Cassiliensis accusatus in parlamento per Johannem Geest episcopum Lismor et Waterfordie super 30 articulis, quorum primus quod noluit promovere aliquem Anglicum ad beneficium in sua diocesi. Alius articulus quod sic consuluit alios comprovinciales episcopos et cetera.

1421.3
Henricus 6. cepit regnare ultimo Augusti, et mortuo Delphino Carolo rege Francorum, fuit proclamatus rex Francie.

1421.4
Johannes Swanige primas Armachanus obiit.

1421.5
Mc Mahonn multum nocuit Midie et Anglicanis cremando, spoliando, necando, et depredando, donec fuerat devictus per deputatum et Dublinenses, qui animose et feliciter pugnaverunt.

1433.0
1433 vide 1419.

1433.1
Thomas claudus le Butler miles deputatus domini regis in Hibernia, obiit in obsidio civitatis Roone in Francia.

1438.0
1438.

1438.1
Thomas Crawley archiepiscopus Dublin revertens a consilio Basil autoritate Eugenii pape, in Anglia obiit.

1439.0
1439.

1439.1
Richardus Talbot archiepiscopus Dublin.

1445.0
1445.

1445.1
Henricus 6. rex Anglie (comite Suffolchie suadente) duxit in uxorem Margaretam filiam regis Sicilie, et repudiavit filiam comitis Arminachie, cum qua primo contraxerat, cujus causa amisit Normanniam, et sui subjecti insurrexerunt, et finaliter depositus cum sua regina et filio primogenito fugiebat.

1448.0
1448.

1448.1
Duces Eboren: et Lancaster contenderunt circa coronam, ita quod quilibet eorum prosuo interesse excitarunt principales Anglos in Hibernia suos amicos respective, qui Anglici ceciderant in bello de Wakinfield, et sequenti anno in bello de le Mortimers cross in Wallia, quo Hibernici in absentia Anglorum assumentes vires et opportunitatem insurrexerunt in Hibernia, et obsiderunt ubique castra et fortalicia, que tenuerunt usque ad tempora Henrici 7 et 8.

1449.0
1449.

1449.1
Dux Eboracensis venit in Hiberniam cum magno scutto et exercitu 


--------------------------------------------------------------------------------

p.30

ad pacificandos Hibernicos et rebelles, qui nihil estimabile potuit agere, nec parum concludere, nec Hibernicos vincere.

1458.0
1458.

1458.1
Mac Geoghagan cremavit Rathmore cum pluribus villis et villagiis in Midia, que est hereditas Plantagenet ducis Eboracencis.

1459.0
1459.

1459.1
Dux Eboracensis comes Sarum, et comes Warwik bellaverunt contra regem Anglie juxta London in Bloore Heath sed in fine dux fugit in Hiberniam, alii in Caliciam. Et anno sequenti (1460) reversus est in Angliam et fecit clamen in coronam in parlamento; deinde fuit interfectus cum filio suo comite Rutland apud Wakefield per Margaretam reginam et suum exercitum, et sic rex liberatur e carcere.

1459.2
Edward comes Marchiarum et heres ducis Eboracensis debellavit contra Henricum 6. et post aliquam interfectionem rex fugit cum regina et filio, cum regnasset 38 annos, ad ducem de Angeo, et iste Edwardus cepit regnare nomine Edwardus 4. et regit 22 annis.

1462.0
1462.

1462.1
Thomas fitz John de Geraldinis qui primo oneravit comitatum Waterfordie, Corken, Kery, et Limrici impositionibus Hibernicalibus, scilicet mercuniis, carragiis, pedagiis, et customis obiit, alii tamen dicunt quod ipse comes propter has exactiones et outragias contra pacem domini Regis, et leges Hibernie fuit decapitatus apud Drogheda per Johannem Tiptot comitem Worcestrie deputatum domini Regis in terra Hibernie. Vide pedegrew Desmondie quod non fuit comes, pater tum vivebat et cetera. Usurping upon his father, and going to Tredaff, he gave him his curse, and said, thou shalt have an ill end.

1462.2
Milo Roch episcopus Leighlen Momonie natus inter bardos numeratur pro omnibus instrumentis musice et rythmis.

1464.0
1464.

1464.1
Paulus 2. papa creatus, avarus, crudelis, injuriosus, immisericors, rudis nec doctus, nec aliquo favore voluit prosequi doctos.

1469.0
1469 1487.

1469.1
Lambertus nomine Peter Perchia de Warwik coronatus rex in ecclesia Sancte Trinitatis Dublin, cujus causa bellum de Storke vulgarite Martin Swarthsfield, in quo Thomas fitz Morice de Geraldinis capitaneus Hibernicorum cecidit cum comite Lincolnie et pluribus nobilibus —Lanquet.

1470.0
1470.

1470.1
Rowlandus Eustace deputatus Hibernie obiit.

1471.0
1471.

1471.1
Thomas fitz Morice comes Kildarie justiciarius Hibernie anno Edwardi 4ti dicitur concessisse privilegium seu licentiam de la mortmayne ecclesie Sancti Kenitii Kilkennie et collegio vicar choralium ibidem.

1471.2
Henricus 6. per ducem Clarencie, comites Warwick, Penbrochie et Oxford 


--------------------------------------------------------------------------------

p.31

dicitur restitutus, et Edwardum 4. fugisse in Flandriam ad ducem Burgundie —Lanquet.

1471.3
Sed postea Edward iste rex ratione sui fratris ducis Clarencie venit ad London et cepit Henricum regem in palatio episcopi reginam et Edwardum principem, quem interfecit, et regnavit rex Henricus in turre per tempus et tunc executus sepeliebatur in Schordich.

1473.0
1473.

1473.1
David episcopus Ossoriensis scribitur habuisse autoritatem domini regis Edward 4. per literas suas patentes ad excommunicandos et censurandos omnes contradicentes et injuriantes vicarios de la communi aula.

1475.0
1475.

1475.1
Edward 4. navigavit ad ducem Burgundie, qui habuit secum in exercitu suo 1000 Hibernicos, et antequam venerunt rex Francie dedit regi Edwardo pro bono pacis 75000 nobilia auri puri, et promisit tantum ei annuatim pro 7 annis.

1476.0
1476.

1471.1
Donaldus Fuscus Kavenagh qui se vocari regem Lagenie permisit obiit. alii anno 1478.

1483.0
1483.

1483.1
Edward 4. obiit, relinquens Edwardum principem et Richardum ducem Eboracen: et Edward princeps cepit regnare sub nomine Edward 5. et obiit eodem anno.

1483.2
Richardus dux Glocestrie avunculus cepit regnare et regnavit nomine Richard 3. et regnavit 2 annis, interfectus ab Henrico 7.

1485.0
1485.

1485.1
Henricus comes Richmond nomine Henric 7. regnavit et duxit in uxorem Elizabetham filiam Edwardi 4. et sic domus Eboracen: et Lancastren: unitae et cetera.

1494.0
1494.

1494.1
Edwardus Poynyngis deputatus domini regis in Hibernia plura fecit statuta, et leges renovavit, et ordinationes regni in pristinum cum sua charta confirmavit.

1494.2
Huc usque dicit autor meus Thaddeus; Nicolaus episcopus in libro flavo Leighlen Annotationes fecit.

1494.3
Octavius Armachanus totius Hibernie primas addmittens appellationem David Curreyn decani et capituli Leighlen, a sede metropolitica factam, inhibuit episcopo Leighlen ne quod attemptaret in prejudicium decani et capituli appellantium circa suas distributiones quotidianas; per sententie instrumentum apparet episcopum comparuisse vigore inhibitionis et citationis emanate in consistorio generali crastino Sancti Patricii in cancello divi Laurentii, presente Willelmo priore Sancti Johannis baptiste de Drogheda tertio Novembris anno predicto coram eodem primate in presentia domini Radulphi prioris domus Hospitalis aut 


--------------------------------------------------------------------------------

p.32

ecclesie Sancti Laurentii extra muros ville predicte, reverandi Johannis episcopi Midensis, Thome Lang clerici, autoritate apostolica imperiali notarii puplici curie predicte consistorie registrarii et scribe principalis, atque Thome Moye apparitoris et preconis, Nicolai prebendarii de Hillard economi syndinque et prolocutoris capituli atque procuratoris contra eundem episcopum in hac parte destinat.

1494.4
Vide antea quomodo Archiepiscopus Dublin in parlamento Kilkennie inhibet Armachano ne ferret ante se in sua provincia aliqua episcopalia insignia. Notwithstanding out of the province and in province he was above him.

1494.5
Nicholaus Magwyr episcopus Leighlen vulgariter nuncupatur Mc Syr Moris in Odrona Lagenie in Hibernia natus apud Tulmogiman, Sacerdotis spurius, Thaddeus Dowlinge comendes him for hospitalitie and the number of cowes that he grased without losse (so well was he beloved) upon the woodes and mountaines of Knockbrannen, Cumnabally, Aghcarew, Ballycarew and Moilglas, but Thomas Brown his chaplen who also wrote his lif, reporteth that he studied in Oxford, although it was but ii. yeres and 3 months, yet he profitted so much in logik, philosophie, the seven liberall sciences and divinitie that in his latter days he seemed to excell, he was made prebendarie of Hillard, where he preached and delivered great learninge with no lesse reverence, beinge in favor with the King and nobilitie of Lenister, who together with the deane and chapter elected him bishop of Leighlen to succeed Milo then lately deceased. This Nicolas had obtained of the bishop of Rome litres of provision and was consecrated bishop being but 30 years of age, to the great losse of the church he died anno 1512 having begonne many learned workes and death preventing his purpose he cold not finish any savinge one cronicle sumariely by him collected and is found in the handes of many in written hand laten, and so farre Dowlinge and Browne.

1495.0
1495.

1495.1
Maxima perturbatio in Anglia et Hibernia ex parte Perkin Warbeck qui se nominavit Richardum Eboracensem filium Edwardi regis.

1496.0
1496.

1496.1
Thomas comes Surrey et dominus Nevell cum magno exercitu fuerunt missi huc in Scotiam Majorem ab Henrico 7. qui Scoticos domuerunt.

1497.0
1497.

1497.1
Katerina filia Ferdinandi regis Hispanie fecit nupta principi Arthuro primogenito Henrici 7. qui in pasce sequenti obiit.

1500.0
1500.

1500.1
Margareta filia Henrici 7. nupta fuit Jacobo regi Scotie.


--------------------------------------------------------------------------------

p.33

1501.0
1501.

1501.1
Henricus filius Henrici 7. constitutus dux Eborum, locum tenens domini regis in Hibernia, qui postea fuit Henricus 8.

1503.0
1503.

1501.1
Elizabeth regina obiit in puerperio in turre London.

1504.0
1504.

1504.1
Bellum de Knocktoa per Geraldum comitem Kildarie, deputatum Henrici ducis Eboracum locum tenentis Hibernie, contra Willelmum Burg de Bellathclare in Conacia, O Bryen, Mc Morogh, O Carvell, et alios boreales. Iste collis de Knocto situatus est vi. milliaria a Galway et ij milliaria a Ballaghclare; de quo versus.

1506.0
1506.

1506.1
Maria filia regis Henrici 7. nupta fuit Carolo archduci Austrie et principi Castelle, et anno sequenti rex Castelle obiit.

1508.0
1508.

1508.1
Henricus 8. anno etatis 18 cepit regnare.

1509.0
1509.

1509.1
Geraldus comes Kildarie ordinis garterii miles qui Hibernicos gubernavit 33 annos obiit, et sepultus in capella beate Marie infra ecclesiam Trinitatis Dublin.

1510.0
1510.

1510.1
Walterus archiepiscopus fuit cancellarius et justiciarius Hibernie, obiit hoc anno, sic Nicolaus scribit.

1510.2
Huc usque Nicolaus Leighlen. Sic Thaddeus (vide supra) scribitur.

1512.0
1512.

1512.1
Maurus Nemorosus (Mauritius Woodkerne) rex Lagenie obiit. Willmus archiepiscopus Dublin.

1514.0
1514.

1514.1
Insurrectio magna in Hibernia.

1514.2
Maria soror regis Anglie nupta fuit Ludovico Francorum regi.

1514.3
Petrus Butler Mc James, interfecit Jacobum nigrum (Duff) le Butler bastardum comitis le Gawran inter Donmore et Kilkenniam, secundum alios anno 1497.

1515.0
1515.

1515.1
Maria regina de Suffolk nupta fuit duci de Suffolk.

1515.2
Jacobus Butler comes Ormonie insultabatur per cives Dublin in manerio archiepiscopi de la Sanct Sepulchres, unde legati sunt destinati a Romano pontifice ad puniendam presumptuosam violationem sanctuarii Sancti Patricii Dublin.

1515.3
Thomes Halser Anglus Leighlen episcopus, utriusque juris doctor, protonotarius apostolicus, pro Anglia Scotia et Hibernia in basilica apostolorum de urbe Rom: cujus vicar generalis erat abbas de Duysk nomine Carolus Cavenagh cancellarius ecclesie Leighlen per octo annos, et episcopo mortuo custos fuit spiritualitatis per vi. annos.


--------------------------------------------------------------------------------

p.34

1517.0
1517.

1517.1
Magnum gelu in Hibernia et Anglia adeo quod currus equorum iverunt super flumen de Tamesey in Anglia et super rivos Hibernie.

1519.0
1519.

1519.1
Thomas Howard comes Surrey qui postea fuit creatus dux Norfolchie cum 200 de regis roba venit locum tenens in Hiberniam, et quia magna perturbatio fuit in Hibernia comes Kildarie fuit officio deputati depositus; et iste comes Surrey reduxit comitem Desmondie et alios Hibernicos ad bonam conformitatem, deinde ipse Surrey cum multitudine Hibernicorum transnavigavit in Franciam, cujus quidem recessum habitantes (Angli) Hibernie querulabant multum propter ejus integritatem, bonam naturam, et modum gubernationis, secundum alios venit anno 1521 et recessit anno 1523.

1522.0
1522.

1522.1
Geraldus Kevanagh Mc Mochardus, qui se fecit vocari regem Lagenie et ducem Laginensium obiit, sepultus Leighlen.

1522.2
Mauritius episcopus Leighlen cognominatus Deoran in Laxia jam vocata Queenes County in Leinster frater minorum professus, in Theologia controversia et conversatione eloquentissimus predicator, castus a nativitate, episcopatum regebat annum cum dimido et ij mensibus; interfectus fuit per Maurum (Mauritium) Cavenagh archdiaconum dioceseos inter Kilneyn et Cloaghruish, eo quod dicti archdiaconi et aliorum redarguit perversitatem et corrigere proposuit. Iste episcopus in jocando ejus adventu quibusdam persuadentibus duplicari subsidium cleri respondit: Melius radere oves quam destruere.

1522.3
David Curren rector de Urghlen, curieque consistorii Leighlen advocatus ac capellanus choralis in ecclesia cathedrali ibidem, huc usque in memorandis suis, sic Thaddeus.

1523.0
1523.

1523.1
Thomas fitz Water alias Radcliff comes Surrey dux generosorum exercitus Anglie habuit in suo conductu de Hibernia plures ad arma homines aptos in expeditionem Scotie, et ibidem cremavit 37 villas et transcurrebat ab orientali marchia usque in occidentem depredando et necando.

1523.2
Fames magna in Hibernia et Anglia, ita ut Henricus 8. tenuit festum natalitiorum in patria.

1524.0
1524.

1524.1
Geraldus comes Kildarie juratus deputatus, qui Maurum (Mauritium) Guer id est "sharp" interfectorem episcopi Deoran predicti cruci affigere curavit, at the head of Glan Reynald by Leighlen, et ibidem intralia ejus fecit comburi, anno 1525, vide supra.

1525.0
1525.

1525.1
Robertus Talbot de Pollygard, amicus Petri Butler comitis Ossorie, fuit interfectus juxta Ballymore per Jacobum fitz Gerald, pro eo quod suspectus 


--------------------------------------------------------------------------------

p.35

erat esse kalendarium actorum comitis Kildarie quo accusaretur, propter quod Butlerii stomachabantur, adeo quod multa sequebatur regni perturbatio.

1526.0
1526.

1526.1
Carolus Cavenagh filius Mauritii juvenis et Mevina hibernice Mean mater ejus cum aliis in Castro de Droymreagh juxta Killanna, modo vocata Oldabbey, cremabantur per Cahir Mc Arte de Polmevaty.

1528.0
1528.

1528.1
O Neil Ultoniorum capitaneus et O Conchur cum suis confederatis insurrexerunt contra Petrum Butler comitem Ossorie, qui Ultonienses multum nocuerunt marchis Midie, et cetera. Sed Waterfield in recordo ecclesie scribit talem comotionem fuisse 1532. Illi etiam invaserunt Uriell spoliando et depredando totam patriam.

1528.2
Geraldus comes Kildarie contra O Carvell insurgendo et castrum de Byrre insultando fuit dire vulneratus ex castro in latere suo per buletum, cui quidam turbarius jocose dixerat, ‘domine cur gemis tam dire, cum ego semel habui iij buletos in me, et vides domine quam sanus sum ad presens?’ — cui comes mite respondit (in agonia) quod hunc etiam bulletum vellet ipsum in se una cum ceteris habuisse.

1528.3
Matheus episcopus Leighlen agnomine Saunders natus juxta Drogheda, mirifice comendatur a Waterfieldo.

1529.0
1529.

1529.1
Petrus Butler comes Ossorie, Hibernie deputatus, incepit accusare comitem Kildarensem coram consilio in Anglia, vide haec omnia in Waterfieldo qui eo tempore vixit.

1530.0
1530.

1530.1
Hibernici ferociter insurrexerunt in absentia comitis Kildarie ad tunc in Anglia commorantis, qui dominia dicti Kildarie, et plures patrias in circu itu invaserunt, unde rex transmisit eundem comitem Kildarie et Wm. Skevington, qui rebellium ferocitatem cum celeritate reformarunt.

1530.2
Cahir Mc Gerald Cavenagh communiter vocatus Mc Nehenyne Crostey, the sonne of the ill-begotten doughter, that is, a bastard, fuit factus Mc Murchardus, qui Mauritio Nemoroso Lagenie successit.

1530.3
Edictum in parlamento emanavit quod nullus in regno Anglie aut Hibernie obtineret aliquod rescriptum aut beneficium ab ecclesia Romana.

1532.0
1532.

1532.1
Parlamentum coram Geraldo comite Kildarie convocatum, quo finito in Angliam coram consilio accusatur, convocatur et in turrim London comittitur ubi finem vite imposuit.

1534.0
1534.

1534.1
Thomas fitz Gerald vocatus Thomas sericus, in Irish etida orsidan, for that his followers had silk frienges about their head peeces, baro de Ophaly, 


--------------------------------------------------------------------------------

p.36

custos gladii regalis, deputatus patris sui, justiciarius Hibernie, restituit gladium in presentia consilii et loco ubi gladium recepit, et denunciavit ibidem rebellionem fieri publice et omnium subditorum regis bona et catella proscribi, deinde fecit capi Johannem Allen archiepiscopum Dublin et interfici apud Tartayn.

1534.2
Comitatus Kilkennie combustus fuit et depredatus per eundem Thomam fitz Gerald.

1534.3
Wm. Skeffington miles venit in Hiberniam cum exercitu militum, deputatus obiit apud Kilmaynam. — Stowe.

1534.4
Dublinenses confusi fuerunt et interfecti per Thomam fitz Gerald tam apud Kilmaynam quam apud Newgat, et vicum Sancti Thome incendio cremavit.

1535.0
1535.

1535.1
Nicolaus Moscraw et Hamerton cum exercitu militum tunicis albis cruces rubeas gerentibus induti, interfecti fuerunt per eundem Thomam apud Clontarff.

1535.2
Dominus Leonardus Gray venit in Hiberniam et protexit Thomam fitz Gerald cum suis avunculis, Jacobo, Waltero, Olivero, Johanne et Richardo, qui postea fuerunt omnes super literis domini deputati executi, et decollati apud Tiburun. Secundum Stowe 3 Februarii 1536. Et ipse Leonardus Gray postea decollatus apud Tourehill anno sequenti, vide alibi.

1536.0
1536.

1536.1
Religiosae domus et monasteria Hibernie fuerunt autoritate parlamenti concessa domino regi ad numerum 376 domuum, quorum valor annuatim extendit ad 32,000 libras, et bona mobilia eorum ad sumam 100,000 libra; et numerus hominum religiosorum in eisdem domibus professorum, et inde ad tunc rejectorum excedit 100,000, ceterisque religiosis abbatias suas et monasteria sursum reddentibus voluntarie, certe pensiones fuerunt quoad vixerunt concesse.

1539.0
1539.

1539.1
O Neil rebellavit et oriabat fere xx. millia in Midia et English pale, sed postea retractus per Leonardum Gray deputatum.

1539.2
Estus et ariditas admirabilis aridos fecit rivos magnos, ita quod comuniter darent dimidium grani pro molitura alterius, et multi obierunt febre et fluxu, et hiems sequebatur adeo frigida gelu et nive, quod bestie inumerabiles per frigore moriebantur, et ultimo pestis extirpavit inumerabiles.

1539.3
Maneria ducis Norfolchie et Talbot comitis Waterfordie et Salop aliorumque absentium et non habitantium super suas possessiones in Hibernia confiscabantur 


--------------------------------------------------------------------------------

p.37

in manus domini regis autoritate parlamenti apud Dublin, coram Leonardo Gray, 22 Maii.

1539.4
Matheus Saunders episcopus Leighlen.

1539.5
Milo Baron prior de Inisdiog episcopus Ossoriensis.

1541.0
1541.

1541.1
Keadan alias Keadagh Mc Congall Mc Mealaghlen, rex ut vocabatur Laxie, interfectus fuit juxta Kylneyn per Donaldum Mc Cahil in festo Sancti Petri.

1541.2
Leonardus Gray deputatus hoc anno executus eo quod private tenuit familiaritatem cum Thoma Fitz Gerald rebelle, et eo quod promisit servitores ejus convertere ecclesiam cathedralem de Down in stabulam equorum, et quia non punivit suos propter spoliationem subditorum, et eo quod non eque ministravit justitiam postulantibus.

1541.3
Henricus 8. proclamabatur rex Hibernie.

1541.4
Antonius Sanctleger miles fit deputatus Hibernie, et per concordatum sub suis aliorumque de consiliis manibus in modum charte magne decrevit pro libertate et immunitate ecclesie Hibernicane, videlicet, quod maneria principalia episcoporum Hibernie, mansusque rectorum et vicariorum ubi habitant ipsimet, atque mansiones et glebe ecclesiarum valore annuo decem marcarum sterling non excedentes, fuisse et esse libera et exempta ab omnibus oppressionibus et impositionibus aliisque patrie usibus, coyney et livery, ut patet in archivis ecclesie Leighlen.

1542.0
1542.

1542.1
O Neil, O Donel, Magwir, O Kahan, Mc Gwyllyn, O Hanlan, cum suis complicibus Hibernicis rebellarunt et spoliarunt boreales subditos usque ad Navan, et auferebant predas quam maximas, et anno sequenti submiserunt se gratiae regis, una cum O Bryen famoso rebelle.

1543.0
1543.

1543.1
Willmus Brereton miles fuit justiciarius Hibernie qui per tempus sui regiminis laudabiliter et pacifice gubernavit Hiberniam.

1543.2
Magna perturbatio, crudelis et seditiosa factio in Hibernia.

1543.3
Georg Brown archiepiscopus Dublin.

1544.0
1544.

1544.1
Hibernici ad numerum 500 sub gubernatione Poer et Finglas transmissi in preparationem ad Bolen.

1544.2
Hugo (Con) O Neil dominus in Ultonia creatus fuit per Henricum 8. comes de Tyron, et Matheus ejus bastardus creatus Baro de Dunganon.

1544.3
Donatus O Bryen creatus comes de Clanriccard durante vita.

1545.0
1545.

1545.1
Cahir Cavenagh Mc Art de Poolmohown alias Polmonty baronetus 


--------------------------------------------------------------------------------

p.38

de Sancto Moling habuit victoriam de Gerald Mc Cahir de Gerrowcheyll juxta Hacketston ubi ceciderunt de Byrnen et aliis in Idouagh 100, et tam multi ex altera parte. I wold the rest of the rebells had been so bestoned.

1545.2
Jacobus Butler comes Ormonie et Leonax comes de Downbrittan in Scotia minore et Johannes Travers miles cum 3000 Hibernicis navigaverunt a portu de Skyrres et applicuerunt in Scotia, ubi nihil memoria dignum fecerunt.

1546.0
1546.

1546.1
Jacobus Butler comes Ormonie et Ossorie obiit in Holborne, London, 18 Octobris, sepultus in ecclesia Sancti Thome de Acres; cor ejus delatum ad ecclesiam Sanctii Kenitii Hibernie.

1546.2
Monasterium fratrum Carmelitarum Leighlen pontis in Lagenia Hibernie, erat in manerium aulamque regis et municipum edificatum, ad usum capitanei Coghlen et regiorum militum et garrison pro defensione patrie versus Hibernicos rebelles.

1547.0
1547.

1547.1
Henricus 8. moritur. Edwardus 6. succedit.

1547.2
Edwardus 6. fecit ij. vicecomites in Dublin ubi antea balivi.

1550.0
1550.

1550.1
Johannes Bale episcopus Ossorie.

1550.2
Robertus Travers regali autoritate episcopus Leighlen, cruel, covetous, vexing his clergie, fuit decretum in cancellaria Hibernie contra illum ex parte communitatis ecclesie Leighlen.

1553.0
1553.

1553.1
Edwardus 6. obiit, si causam queras lege Cardanum de genituris.

1553.2
Jana filia Henrici ducis Suffolcie, uxor domini Gilford Dudley filii ducis Northumbrie, denunciabatur regina Anglie vigore cujusdam statuti per eundem Edward regem ad persuasionem ducis Northumbrie editi, brevi fuit decapitata.

1553.3
Maria Henrici 8. filia.

1554.0
1554.

1554.1
Philippus princeps Hispanie applicuit in Southampton in festo Sancti Jacobi, et brevi matrimonium cum regina contraxit, et stilus eorum ab heraldo proclamatus et cetera, et stilus Caroli imperatoris illius patris in Gieldhall, London scriptus et cetera.

Charles the fyft his stile set up in golden lettres in Guyldhall London.

Charles the fyft by favour and assent of devine mercy and grace elected emperour of the Romaynes, Alway Caesar, kinge of Almain, kinge of Castill, kinge of Aragon, kinge of Leones, kinge of Naples, kinge of Cicillia, kinge of Jerusalem, kinge of Hungarie, kinge of Dalmacia, kinge of Croacia, kinge of Navarr, kinge of Granat, kinge of Morcia, kinge of Gien, kinge of Algarb, kinge 


--------------------------------------------------------------------------------

p.39

of Dorden, kinge of Cordubia, kinge of Valencia, kinge of Sevil, kinge of Solet, kinge of Corse, kinge of Algezirs, kinge of Gibraltar, kinge of Minorica and Majorica, kinge of the Islands of Canarie, kinge of the Antisles in Inde, kinge of the fyrme land of the ocean seas now called New Spaine - Archduke of Austrich, duke of Burgonie, duke of Lotharingia, duke of Brabant, duke of Lunbrock, duke of Luxenbrock, duke of Callabrie, duke of Athens, duke of Nigripont, duke of Wiertingbick, duke of Gesder - Erle of Flaunders, erle of Hasburge, erle of Marcellon, erle of Artois, erle of Borgon, erle palatine of the Mores, erle of Holland, erle of Zeland, erle of Ferret, erle of Ryburge, erle of Rosillon, erle of Brittaine, erle of Mamier, erle of Zetaine — Lantgrave of Alasy — Marques of Borgon, marques of Cristan, marques of Gocia — Prince of Suetia, prince of Austrich — Lord of Frisland, lord of Slavonia, lord of Portua, lord of Bisky, lord of Molyn, lord of Salses, lord of Tripolis, lord of Meth, and lord of Lordships in Asia and Affrica..

1554.4
Petrus Carew miles baro de Odrona in Hibernia et dominus de Mochonus — court alias de Mohounstreet in Anglia propter insurrectionem apud Devonshire inceptam, audiensque infortunium Henrici ducis Suffolcie et postea decapitati cum suo filio et filia Jana fugit in Franciam. Sed postea revertit et reconciliabatur Phillippo et Marie.

1554.5
Elizabetha filia Henrici 8. turri comissa, postea ducta ad Woodstock.

1554.6
Cardinalis Polus restitutus et cetera, recepit supplicationes omnium in parlamento congregato quod penitieret eos de scismate et cetera, supplicarunt ut absolvantur et cetera, ille eloquenti oratione acceptabilis penitentia et cetera ostensa comissione a sede apostolica omnes absolvit et cetera, fit cantatio, Te Deum laudamus et cetera, et hoc apud Romam audito processiones fiebant pro vera conversione Anglicorum et Hibernicorum, et papa concessit per bullam remissionem omnibus de hoc vere gaudentibus.

1554.7
Georgius Brown archiepiscopus Dublin, Edwardus Midensis, Johannes Bale Ossoriensis episcopus, Robertus Travers Leighlen episcopus, et Thomas Darey aliique prelati et beneficiati fuere depositi per Georgium Dowdall primatem Armachanum, et Thomam Lewrous alias Leurus episcopum Darensem, primos et principales comissarios et ceteros eorum collegas, et custodia spiritualitatis Dublin concessa fuit Thome Lockwood decano Sancte Trinitatis Dublin, et custodia spiritualitatis Leighlen comissa fuit decano Canell et archdiacono et cetera. forgett not D. Kenell.


--------------------------------------------------------------------------------

p.40

1554.8
Thomas Fylay alias Fighill minorum frater autoritate apostolica episcopus Leighlen.

1555.0
1555.

1555.1
Hugo Curren archiepiscopus Dublin vocavit provinciale concilium, ut pretendebat pro reformatione religionis.

1555.2
Thomas fitz Water alias Radclif comes Sussex deputatus Hibernie, vide viagium comitis Sussex et Thome comitis Ormonie in Scotiam.

1555.3
Thomas Leighlen episcopus, ut patet in archivis ecclesie et libro concilii regalis.

1557.0
1557.

1557.1
Congal Oge rex Lacie, apud pontem Leighlen cruci affixus.

1558.0
1558.

1558.1
Johannes Othownery frater, episcopus Ossoriensis pre dolore amissionis thesauri sui per fures, mortuus. Fures confitebantur et executi.

1558.2
Maria regina absente Philippo obiit, et multi nobiles cum ea.

1558.3
Elizabeth regina 17 Novembris, religio reformata et corrupta pecunia extirpata, vide sequens in statutis Hibernie.

1560.0
1560.

1560.1
Thomas comes Ormonie et Geraldus comes Desmonie rebellarunt in loco vocato Aghemoy infra comitatum Tipperarie, ubi pluribus ex parte Desmonie interfectis, comes Geraldus fuit vulneratus, et captivus in Angliam per Ormond transmissus.

1566.0
1566.

1566.1
Edwardus Randolf armiger locum tenens domini regis in Ultonia et collanellus mille pedestrium a Bristollia arrivavit in Knockfergus, et inde venit in Dyrrhy apud Laughfoil ubi fortificavit et 12.o Decembris sequente in conflictu vicit O Neil, qui cum eo pugnavit, et non postea diu vixit.

1567.0
1567.

1567.1
Shane O Neil secundum Campion vocans se O Neil et dominum provincie Ultonie in diversis conflictibus interfecit 3500 de exercitu Henrici Sidney deputati Hibernie, ac etiam de Scoticis 300, demum suam conmatrem in adulterio publice et notorie tenens, manus violentas in presbyterum qui una cum sociis sibi dixit non licere ei (in confessione) uxorem alterius tenere, et in ultima ejus etate crimina leste majestatis comittere et cetera, tandem compulsus ad inimicos fugere, quorum patres ipse occiderat, illi in ebrietate ejus cultro eum inciderunt, et interfecerunt, at the key of Ybuyg.

1568.0
1568.

1568.1
Whereas before mention was made of Thomas Carew Baron of Odrone banished, and Sir Peter Carew knight claiming of him, at this tyme old Sir Peter Carew, (havinge adopted as is said young Sir Peter Carew) entered upon the possession of Odrone, and made the Cavenages compound with him, the which he quietly enjoyed savinge that Morice Oge Kavenagh 


--------------------------------------------------------------------------------

p.41

of Garrawcheill per fas et nephas tenuit suas terras vulgariter vocatas fyv-mart Landes absque titulo vel interesse.

1569.0
1569.

1569.1
Lagenienses omnibus enormitatibus dediti, quidam dixere Peter Carew his warres, alii dixere Edmund Butlers warres. Cavanenses hic diaboli contra Petrum Carew.

1570.0
1570.

1570.1
Adam Loftus archiepiscopus Dublin.

1570.2
Lysac O Moardha (O Moore) sonne to Keadau Rough domini de Lasia factus capitaneus ab Henrico Sidney deputato servivit animose contra Ultonienses, sed postea (canis ad vomitum) inventus in proditionibus, convictus suspensus fuit ad pontem Leighlen.

1570.3
Thomas Butler comes Ormonie venit ex Anglia, pacificavit rebelles, (Robert Mylles of the saf conduct et cetera) cepit fratrem Edmundum Butler, tradidit eum deputato, quem Hibernenses fecerunt, statuerunt facere eum, capitaneum suum generale, Petro Carew principaliter resistente, sed e carcere aufugit, et omnia ei condonata.

1571.0
1571.

1571.1
Magna clades in Conatia que vocatur bellum de Srughill inter Johannem [gap: extent: 1-2 words] gubernatatom illius provincie de Conaught et Conaghtinenses, ubi ceciderunt plures ex utraque parte, sed gubernator prevaluit.

1571.2
Scientia imprimendi et cudendi literas et characteres lingue Hibernice incepit in Hibernia in civitate Eoblana (Dublin) per Johannem Kerna thesaurarium ecclesie Sancti Patricii et Nicolaum Welsh Ossoriensem episcopum. Daniel, episcopus Leighlin leased out all in maner.

1572.0
1572.

1572.1
Willmus fitz Williams deputatus Hibernie.

1575.0
1575.

1575.1
Rebellio Ketingensium sub Petro Keting eorum capitaneo sed brevi confusi et occisi.

1575.2
Thomas comes Ormond rejecit omnes impositiones Coney et Lyvery ex patria sua.

1575.3
Pestilentia magna per Weixfordiam, Dublin, Naas, Athie, Carloug ac Leighlin-Pontem, ita quod civitas Dublin preter castra tantum fuit quasi depopulata, ut fenum et herbe nascebantur in plateis et valvis ecclesiarum.

1575.4
Henricus Sidney iterum deputatus, post discessum Wm. fitz Williams.


--------------------------------------------------------------------------------

p.42

1575.5
No terme after Trinities day held at Dublin, pretextu infectionis epidimiae pestis, et archiepiscopus Dublin per totam provinciam fecit litanias et suffragia diebus Dominicis Mercurii et Veneris fieri contra pestem.

1575.6
Petrus Carew senior miles vir liberalis, strenuus, potens in armis, stature fortis, licet senex animosus tamen et belliger ex juventute, qui fortiter stravit plures in conflictu de Knockcownla de confederatis rebellium, conquestor Odronie in Lagenia et Corkybeig in Desmohown, dominus de Mohownsottrie in Anglia, obiit apud Rossam-Pontis in Hibernia, et sepelitur in ecclesia Trinitatis apud Waterfordiam ab antiquis vocatam Manapiam, qui in ultimo ejus eulogio per quinque episcopos approbato et insinuato confirmavit statum ffeofamenti, per eum antea ad usum Petri juvenis Carew et Georgii Carew (modo presidentis Momonie) et ad usum aliorum in Anglia ad numerum 15 personarum in toto; volens ut invicem secundum ordinem insertum succederent, si absque masculis de corporibus legitime sic procreatis vel procreandis successione dicesserint.

1576.0
1576.

1576.1
Walter Devrox comes Essex, comes Marshall in Hibernia obiit Dublini, corpus in Angliam et cetera.

1577.0
1577.

1577.1
Rory (Oge O Moor) O Moarda fecit magnam comotionem immo maximam in Lagenia, quam tenuit per xviij. annos, quo tempore currente cremavit Naas, Athy, Caterlough, Leighlin-Pontem, Rathcoyl, Tassagard, Kilbrid, Bayllymore, Killy, et Rathmore in Lagenia (cepit treacherously Henricum Harington et Alexandrum Cosby); cremavit cantredam de Duthy-Fhelly dominium O Carvelli, Athlone in Conacia, interfectus (whome the Irish rimers extol like him that burnt Diana his temple) fuit per Bernardum Mc Gilpatrick dominum de Upper Ossorie — vide infra.

1577.2
Moris Mc Lasy Mc Conyll dominus de Merggi (ut ille asseruit) et baronis de O Mergi successor, cum 40 hominibus de sua familia post confederationem suam cum Rory O Moardha et super quadam protectione, interfectus fuit apud Molaghmastyn in comitatu Kildarie, ad eundem locum ob id propositum per magistrum Cosby et Robertum Harpoll, sub umbra servitii accersitus collusorie. Harpoll excused it that Moris had geven villanous wordes to the breach of his protection.

1577.3
Eugenius Mc Hugh O Dempsie de Clonagovna miles ac dominus de Glynmolyra fuit in castro suo ibidem interfectus per Lysac Mc Neill y Moardha.


--------------------------------------------------------------------------------

p.43

1577.4
Georgius Ackworth legum doctor, et Robertus Garvey legum baccalareus, destinati ad clerum Hibernicum titulo magistrorum ad facultates pro reformatione cleri, sed ecclesie potius perturbatio sequebatur.

1578.0
1578.

1578.1
Henricus Sidney deputatus fecit suspendi 15 de familiaribus Calvatin Mc Tyrrell capitanei eorum, eo quod extortionem comiserunt circa cibum et pecuniam.

1578.2
Willelmus Gerrard armiger cancellarius Hibernie iterum venit in Hiberniam. - vide quae scripsit et cetera, et pone eum inter scriptores.

1578.3
Willelmus Drury miles (post discessum Henrici Sideney) factus justiciarius Hibernie, moriebatur Waterfordie, corpus ferebatur Dublin, ubi per plures dies insepultum remanebat, tandem expensis domine regine in ecclesia Sancti Patricii inhumatur.

1579.0
1579.

1579.1
Jacobus fitz Moris Geraldinus cum filio prioris de Rhodes et Spaniardis ad numerum 700 armatis, applicuit in portu de Coan Thymore et fecerunt fortalicium apud Down Moyre in Mounster, ubi postea per dominum Gray fuerunt interfecti, paucis exceptis qui capiebantur.

1579.2
Henricus Davels armiger, vicecomes comitatus Cork occisus apud Trally per Johannem Desmond.

1579.3
Willelmus Pellam miles fit justiciarius.

1580.0
1580.

1580.1
Arthurus Gray de Wilton miles garterii fit deputatus Hibernie duxit magnum exercitum ad fortalitium de Down Moyr, interfecit Italos et Hispanos, quattuor generosis exceptis quorum unus erat filius prioris de Rhodes.

1580.2
Magna strages et clades per Ketingos apud Leighlen et apud Glynmalowra per Byrnenses, ubi Petrus Oge miles, baro de Odrona, Franciscus Cosby armiger de Stradbally, Laxie capitaneus turbariorum ligiorum, magister Moor, et Bernard fitz Williams capitanei, fuerunt interfecti una cum aliis quampluribus generosis estimationis per Feagh Mc Hugh, et alios rebelles.

1580.3
Feagh Mc Hugh de Balyncorr in Cowlraynald, per procurationem Mauritii Oge Kavenagh de Garrovcheill, cremavit x. villas in High Odron, et captivos secum adduxit Magistrum Wood et Rogerum Hooker decanum Leighlen et alios Anglicanos.

1582.0
1582.

1582.1
Johannes O Desmond miles captus fuit una cum Jacobo na Dtynoyll per capitaneum Smith executioni apud [gap: extent: 1 or 2 words] demandatus.

1582.2
Thomas comes Ormond transfretavit in Angliam una cum cometissa.


--------------------------------------------------------------------------------

p.44

1583.0
1583.

1583.1
Geraldus fitz James comes Desmonie captus in cabano suo in sylva, et decollatus per Thomam Kelly - and this Kelly was hanged at Tyburne.

1583.2
Mackworth capitaneus crudelis interfectus per Oconors de Ophaly, membrum genitale eo vivente extraxerunt, eumque excoriaverunt.

1583.3
Thomas comes Ormonie reversus est in Hiberniam et factus est gubernator provincie de Mounster, et Desmond generalis.

1583.4
Johannes Perrot miles deputatus Hibernie pacificavit regnum.

1588.0
1588.

1588.1
Anglicani undertakers Geraldo comite Desmonie mortuo venerunt familiis ad inhabitandum.

1588.2
Willelmus fitz Williams (post discessum Johannis Perrot) fit deputatus, ejus tempore classis navalis Hispaniorum magnum habuit infortunium, preter in Anglia perdit et cetera. In Hibernia. In Tyreconill infra Ultoniam super locum de Loghfoyl una navis et 1100 homines. In Conatia apud portum de Sligo 3 naves magne, 1500 homines. In Tyreowley, 1 navis cum 400 hominibus. In Cleere Island 1 navis cum 300 hominibus. In Fynglassy una navis et 400 homines. In Ophlagartys contrey, 1 navis cum 200 hominibus. In Irrish ij. naves sed homines ex illis in alias naves fugerunt. In Gallaway bay, 1 navis et 700 homines. In Momonia super Shenan, ij. naves et 600 homines. In Trally, 1 navis et 24 homines. In Deishy, 1 navis et 500 homines. In Desmonia 1 navis 300 homines. In rivo de Shenan 1 navis quam ipsi proprietarii cremarunt fugiendo in aliam. Summa - Navium 17. Homines 5394. — Vide compositio Turlagh Leoge et Hugonis Tyron. in turre London, et cetera.

1589.0
1589.

1589.1
Richardus Meredith episcopus Leighlen.

1589.2
Orwairk rebellavit, fugit in Scotiam, captus in Angliam mittitur, et termino Michaelis apud Tiburne suspensus, 1591.

1591.0
1591.

1591.1
Arthur Achnan Kavenagh pensionarius domine regine captus in Monelly, et cum 7 de suis sociis fuit suspensus juxta Caterlough.

1592.0
1592.

1592.1
Thomas comes Ormond applicuit in Hibernia.

1594.0
1594.

1594.1
Willelmus Russell miles deputatus Hibernie, 20 Augusti ivit cum exercitu contra Ultonienses. Johannes Noris miles. Birnenses et Mc Mahown interfecerunt in uno conflictu 300 homines exercitus Henrici Duke militis, qui victualia ad Iniskillen adferre proposuerant.

1594.2
Thomas dominus Burgh deputatus, obiit apud Newry. Wony Mc Rory, in Lease, et cetera. Thomas Noris miles justiciarus uno mense.


--------------------------------------------------------------------------------

p.45

1598.0
1598.

1598.1
Adam Loftus et Robertus Gardiner justiciarii. Thomas comes Ormond locum tenens exercitum.

1599.0
1599.

1599.1
Robertus Essex comes locum tenens domine regine. Adam Loftus et Georgius Cary deputati Essex in ejus absentia.

1600.0
1600.

1600.1
Carolus Mountjoy deputatus Hibernie mense Martii.